وجهة نظر

[ch.ahmedelgohary]

السلام عليكم ورحمة الله وبركاته
اخوانى انا جاى اقدم لكم النهاردة حاجة ممكن يعتبرها الناس حاجة عادية مش مهمة لكنى هاوضح لكم وجهة نظرى وطبعا انا كتبت الموضوع ده فى القسم ده لان ده تاريخ جديد لمصر ويمكن يكون فى يوم من الايام تاريخ مهم لمصر من ضمن تواريخها الخالدة.
اولا الموضوع هو تصنيف منتخب مصر العالمى الان
ترتيبا حسب موقع الفيفا هو العاشر على مستوى العالم !!! اه والله العاشر
وده يعنى ايه او يفيدنا فى ايه؟؟؟؟؟؟
يفيدنا فى حاجات كتيرة
يعرف قيمة رجال مصر فى تحقيق الصعب فى لحظات لان كان ترتيبنا الاربعة وعشرين من فترة قريبه جدا الفترة دى لا تتجاوز الشهرين يعنى صعدنا اربعة عشر مقعد
وده يشير الى ان القدرة المصرية قادرة على ان تدخل تصنيف العشر دول الاولى فى اى مجال فمثلا احنا عندنا احسن عالم فى الوطن العربى هو دكتور احمد زويل ومن كبار علماء العالم
ومجالات كتير احنا متقدمين فيها فلما لا نعمم قدرتنا فى كل المجالات لندخل ضمن زمرة العشر الاول فى كل المجالات
وبلاش كلام عن الحكومة وان حكومتنا هى السبب وكلام كتير من ده اعتبره واعذرونى انه كلام فارغ لان اللى عايز يحسن هايحسن واللى عايز يكبر هايكبر
احنا 80 مليون وبفرض ان الحكومة تشكل مليون وده رقم خيالى مش حقيقى لانه ضخم جدا
فلو كل واحد من الـ 79 مليون الباقيين عاملوا الصح وعملوا الواجب عليهم باحسن صورة فهتكون الدولة كلها احسن مما هى عليه الان وبالتاكيد طباع الحكومة هاتتغير بتغيرنا احنا
المهم اسيبكم مع فاصل قصير مع صورة التصنيف الدولى لكرة القدم واتابع ......



بزمتكم مش الصورة شكلها حلو
والله انا شعرت بسعادة غامرة لما شوفت علم مصر فى المكانة دى وقولت ليه مايبقاش دى حاجة متعودين عليها فى كل المجالات ان يكون بلدنا فى الصدارة
بالرغم من انى هاديكوا مثل مش بقوة قلب الموضوع اللى بتكلم فيه بس بجد مثل يحترم ويجب ان نتبعه
هو احنا ليه اخذنا كاس افريقيا بانجولا 2010 وحطمنا كل الارقام القياسية؟؟؟؟؟
هاقول لكم
لاننا عملنا الاتى:
1- عاش المنتخب المصرى فى تركيز شديد لانه عنده حلم لازم يتحقق.
2- شال من دماغه تفاهات الرد على اى حد منهم اللى كان عايز يعمل فتنة بيننا وبين الجزائريين واهتم انه يرد بشكل عملى مش مجرد كلام وسب وخلاص.
3- عاشوا زى ما عاشوا اجدننا فى جو اسرى جدا بتحاب واخلاص يعنى مش مهم المجد الشخصى ولكن المهم مجد المجموعة بالرغم من ان اللى يهتم بمجد المحموعة ويشتغل كويس هايبان شغلة وهايحصل على المجد الشخصى تلقائيا.
4- بركة الايمان والتدين والالتزام هى اللى بتنضف النفس من الشرور الحقد والجشع وكل حاجة وحشة وتصفى الذهن للتقدم مش لاى تفاهات اخرى.
5- الولاء للبلد او الوطن بيخلى الانسان يعمل المعجزات من اجل وطنه.
6- الرضاء بالقدر وده بيخلى النفس متقبله اى امر وغير منشغلة بهموم ما حدث وتهتم بالخطوة التالية.
وسبعة وثمانيو وتسعة وعشرة حاجات كتير
ليه لا نأخذ هذه الامور كمسلمات فينا وحاجات لازم نمشى عليها والله دى كان حياتنا وحياة اجدادنا كان دى هى فلسفتهم فى الحياة
الرسالة دى مش لينا كمصريين وبس لا دى لكل العرب
ويارب تكون وجهة النظر دى عجبتكم
وفى انتظار ردودكم وتعليقاتكم

[broken heart]

ألف شكر على الموضوع الجميل ده..
وجهة نظر صح 1000000 %..
وبصراحة حسيت بفرح ملوش حدود لما شفت ترتيبنا ..
تقبل مروري ..
تحياتي :broken heart

[ch.ahmedelgohary]

المشاركة الأصلية كتبت بواسطة broken heart

ألف شكر على الموضوع الجميل ده..
وجهة نظر صح 1000000 %..
وبصراحة حسيت بفرح ملوش حدود لما شفت ترتيبنا ..
تقبل مروري ..
تحياتي :broken heart

اشكر لكى مرورك الجميل وكلماتك الرقيقة
واللى فرحنى اكتر انى قدرت اسعدك
وان شاء الله نبدأ ننفذ من اليوم
تقبلى شكرى

[فارس مصري]

بصراحه وجهه نظر ززى الفل

شكرع ع العرض الممتاز

ويارب فعلا نكون من احسن الناس ف كل حاجه

[wael-almasry]

واللي خلقك باشا

[عاشقة الاسكندرية]

موضوع جميل جداًاًاًاً
وأسعدنى كثيراًاًاًاً روئية علم بلدنا فى هذا المركز
أتمنى أن تكون مكانتنا فى كل المجالات
فى تقدم مستمر بإذن الله
وهذا لن يحدث إلا بإيدى شباب وبنات وعلماء مصر
شكراً على الموضوع الرائع
تقبل مرورى

[ch.ahmedelgohary]

اشكركم على ردودكم الجميلة
والحمد لله انه قدرنى على طرح الموضوع
ونحتاج تفاعل الاعضاء فى وضع مقترحات تنفيذية للاصلاح كاننا بنعمل مشروع
يمكن حد يقرأه ويتبعه

[strawberrygirl]

السلام عليكم ورحمة الله
دا شئ عظيم بجد ولى منتهى الفخر ان فريقنا المصرى يرفع علم مصر عاليا وينتشر صيته فى جميع بلدان العالم بجد شئ يشرف حقيقى
وهما فعلا رجالة وبيتعبوا وعارفين ربنا وبياخدوا بالاسباب فربنا أكيد هينصرهم
وبدعوات كل المصريين الطيبين
وعربون محبة ليك يامصر ياحب السنين

[وائل السويفي]

طبعا احب اشكرك على وجهة النظر دي

اما بالنسبة لسؤالك الاخير:

ليه لا نأخذ هذه الامور كمسلمات فينا وحاجات لازم نمشى عليها
والله دى كان حياتنا وحياة اجدادنا كانت دى هى فلسفتهم فى الحياة

نجاوب على نقطة نقطة عن طريق برامج التليفزيون:
1- الحلم: امبارح على قناة المحور او دريم على ما اعتقد برنامج بسأل الشباب عن حلمهم 99.9% منهم حلمه يلاقي شغل من غير واسطة تفتكر هايقدر يحلم بحاجة تانية.

2- الرد على تفاهات: طبعاً مباراتنا مع الجزائر وتغطيتها اعلاميا وارتفاع نسبة المشاهدة للقنوات اللي بتسخن اكتر يدل ان احنا اهم حاجة التفاهات

3- جو اسرى: احكيلي بتاكل مع اسرتك كام مرة في الاسبوع

4- الايمان والتدين والالتزام: اتفرج على الافلام دلوقتي احاسيس، الوان طبيعية ولا ولا ولا

5- الولاء للبلد: اكتر من نصف شباب البلد يتمنى الهجرة

6- الرضاء بالقدر: الرضى لمن يرضى وهم قليل

والله احنا محتاجين غسالة فول اتوماتيك للاعلام مع مسحوق جبار علشان الاعلام هو اللي بيكون عقول الناس دلوقتي

تقبلوا تحياتي